Sap.ak. 38-mi P4 Nordjyllandip Kalaallit Nunaannut atassuteqaateqarnera temaqaatigimmagut piginnittua Ole Nielsen radiomut apersorneqarpoq Arctic Import taassumalu Kalaallit Nunaanni ingerlatai pillugit. Apersuineq minuttinik arfinilinnik sivisussuseqarpoq, Olellu oqarnera malillugu piffissaq sivisunerujussuaq atorlugu Arctic Importip ineriartorneralu eqqartorneqarsinnaagaluarpoq.

– Oqaluttuassaqaraluaqaangami. Tassami ukiut 30-t sinnerlugit tappavaniissimavugut ukiunilu taakkunani allanngornerpassuarnik pisoqarsimavoq oqaluttuarineqarsinnaagaluartunik, Ole Nielsenip P4 Nordjyllandip aviisiliortunanit apersorneqarnini pillugu oqarpoq.

Apersorneqarninilu sivikikkaluartoq iluarisimaarpaa, tassami assigiinngitsorpassuarnik eqqartuinissaminut periarfissinneqarami, ilaatigut samminerusaasa ilagigaat assartugassanik angallassinikkut aaqqiissutissat, aammalu virksomhedsskattimik Kalaallit Nunaannut Danmarkimullu akiliisarnertik, aammalu Arctic Importip sulisuisa ilarpassui kalaaliullutilluunniit kalaallinit pisuusut.

- Naak ukiut 30-t minuttinut arfinilinnut eqikkassalugit ajornaatsuunngikkaluartoq sorpassuit eqqartorpagut neriuppungalu tusarnaartut Arctic Importip suuneranut tunngatillugu paasisimasaqarnerulersimassasut, naggasiilluni oqarpoq.

Apersorneqarnera tamakkerlugu uani tusarnaarneqarsinnaavoq